Mak Pono, Kaniang Disensor Muncuang Balampok

mak pono
“Nee !!!!!!!!!…. ” hariak Mak Pono baru masuak lapau One.
“Apo Mak, saroman hariak urang dikaja hantu nampak dek awak,” jawek One mancogok dari dapua.

Mak Pono tagalak mancaliak One bagageh kalua, sadangkan Ajo nan tadi sadang manyulo Karambia di rusuak lapau lah tibo pulo mancaliak. Takajuik dek hariak Mak Pono.

“Ndak basensor lo kaniang deyen, kini kamaa ka pai sabalun masuak kaniang basensor. Cacah gah deyen ka mambali rokok di mini market, kaniang wak pulo nan disensor e, indak rokok nan dimintak tu nan dicigin e cok taralah dah,” Mak Pono mancaritoan pangalamannyo mambali rokok.

One manarangan basok itu bukan sensor, tapi alat pandeteksi suhu tubuh. Gunonyo untuk mamareso urang nan suhunyo tinggi lai ndak ta indikasi kanai wabah Covid-19. Nan suhunyo tinggi indak buliah mandakek apo lai masuak.

“Harusnyo Mak Pono indak kaniang nan disensor tu do, tapi ubun-ubun nan talampok uban pirang tu,” sambuang One.

“Baa kok betu kato One ?” tanyo Mak Pono manyangik.

“Karano Mak Pono indak suhu badan nan tinggi, tapi emosi, sarengeh Mak Pono tu nan paralu disensor,” jawek One takekeh.

Mandanga jawek One, Mak Pono indak jadi berang. Inyo pun sato galak. Katiko One jo Mak Pono galak takekeh tibo si Botak jo muncuang nan balampok masker.

“Biasonyo urang bahonda nan pakai masker, iko Botak bajalan kaki san hilia mudiak bamasker juo,” Mak Pono manyapo Botak nan baru masuak lapau.

“Ops jan mandakek, Social Distanding jaga jarak minimal satu setengah meter,” kato Botak katiko Mak Pono mandakek ka minta rokok.

“Haiyayai banyak bana aturan mah, beko kok mintak kopi Botak ko Ne, oncek’an ma agiahan nyo ndak usah dianta kamukonyo cok nan taralah,” tabik suga mak Pono mancaliak gaya Botak.

BACA JUGA  Ratusan Warga Binaan Rutan Anak Aie Ikuti Vaksinasi

“Kan iyo tu ha, Mak Pono indak suhu badan nan tinggi tapi emosi. Kasudahannyo masker tu indak dimuko dipasang tapi di ubun-ubun mak Pono tu,” One sato lo manyolo sambia malatak an kopi ka si Botak.

Baca Juga :

Facebook Comments

loading...
Artikel sebelumyaKabar Sepekan : Derita Perantau, Dilarang Pulang Hingga Ancaman Dipolisikan
Artikel berikutnyaJadi Tersangka, Saddil Ramdani Terancam Dipecat Bhayangkara FC