Ciloteh Mak Pono, Pitih Sarik Bini Baulah

Ciloteh Mak Pono, Pitih Sarik Bini Baulah

Pitih Sarik Bini Baulah

Tukang tulih : Fendi Moentjak

Mak Pono sadang manjalankan tugas sebagai anggota Satgas Nagari pencegahan Covid-19. Mamakai kureta unto sarato topi tarabuh,  Mak Pono hilia mudiak sapanjang nagari, mancaliak sia nan malangga jo indak patuah. Alah banyak nan kanai hariak dek Mak Pono tamasuak anak-anak nan masih bakaliaran di jalan.

“Baa gaknyo Jo ? Giliran Ajo rundo tadi malam ?” Mak Pono manyapo Ajo nan masih tamanuang basalimuk kain saruang di pos rundo.

Ajo hanyo galak masam tak manjawab, disembanyo kantong asoy disampiangnyo bia ndak diusai Mak Pono. Mak Pono heran tak biasonyo Ajo cok iko, jangankan lalok di Pos Rundo, tibo giliran rundo san Ajo acok bakilah untuak indak sato. baragam alasan nan disampaikan Ajo mulai dari talambek pulang manggaleh sampai indak lamak badan.

“Rancak angin mah Jo, abih galeh di balai patang. Tingga kantong asoy se ciek lai,” Mak Pono duduak di dakek Ajo.

“Apo nan rancak dek Mak Pono, kok segeh saku-saku deyen mangaa den lalok di Pos Rundo. Ko dek lah tadadak mah, mangko disiko bagaluang badingin-dingin,” jawek Ajo Mangka namun dijawek dek Mak Pono jo galak takekeh.

Jadi baa carito kini ko, Kalua Main lo Ajo,” tanyo Mak Pono nan alun baranti galak.

Mak Pono mamulai katubahnyo, dipujinyo lah One sabagai manusia paliang patuah sa jorong terhadap himbauan pamarintah. Mulai dari indak manggaleh untuk mahindari urang bakumpua barami-rami sampai penerapan Physical Distanding alias indak buliah badakek-dakek, dampaknya Ajo disuruah “Kalua Main”

“Kalau bisa bia deyen usul ka Pak Wali, bia One dapek penghargaan sebagai urang paliang patuah ka pamarintah di nagari ko,” Mak Pono nan lah tau penderitaan Ajo masih mancimeeh juo.

BACA JUGA  Ota Lapau, Abih Main Dek Ulah Surek

“Jadi baa caritonyo Jo ?” tanyo Mak Pono lah mulai tanang.

Ajo mancaritoan parasaiannyo, sajak lapau One ditutuik limo baleh hari nan lalu pamasukan keluarganyo jauah bakurang. Samantaro galeh belok balai nan dilakoni Ajo batambah sulik pulo. Kini ditambah pulo jo balai indak buliah baoperasi salamo Pandemi Covid-19 ko, makin mati pancarian Ajo.

Sudah tu sakik batambah pulo One marabo-rabo indak bakatantuan.

“yo bana marasai deyen mak,” hampia mararau Ajo mancaritoan parasaiannyo.

“Jaleh bantuak itu, baa dak pulang kampuang se Ajo ?”

Ajo mancaritoan kalau One ko lalok pintu biliak di kunci, sagalo kepeng  dalam lamari, tingga duo puluah ribu san salai dalam saku lai.

“Mujua juo mah, kareh bana ati Ajo nak pulang, oto ndak ado nan manambang. Jadi sahur perdana Ajo bisuak baa caronyo ?,” ibo juo Mak Pono mancaliak parasaian Ajo.

“Ntah lah mak, urang maadoak tangan ka lakinyo minta maaf hari ka puaso, nan bini deyen bungkusan baju nan diadok annyo,” Ajo makin maibo.

“barati Ajo tamasuak urang na  menerapkan PSBB di nagari ko,” sambuang Mak Pono.

“Apo lo PSBB tu Mak Pono ?”

“Pitih Sarik Bini Baulah” jawek Mak pono sambia pai nan mambuek Ajo tambah mangka.

Ciloteh Mak Pono lainnya :

Ciloteh Mak Pono, Nan Dilarang tu Balimau, Bukan Mandi

 

Facebook Comments

loading...
Artikel sebelumyaPDP Asal Sungai Abu Meninggal di RSU M. Natsir, Dimakamkan di Lahan Khsusus Yang Disediakan Pemkab Solok
Artikel berikutnya20 Kelompok Tani Tanah Datar Peroleh Alokasi Padat Karya Kementan RI