Ka Tuhan Minta Kayo ka Walinagari Minta Miskin

tukang tulih : Fendi Montjak

Lah takantuak san Mak Pono duduak surang di lapau nan sadang langang, Tek Minar sudah malatak an lontong tadi, minta izin pai ka kantua wali ado urusan katonyo. kayo

“Batoh lah tarakuak san Mak Pono mah,” sapo Tek Minar nan baru baliak.

“Takantuak san den kau, udah manonton berita kapalo Bursa Efek jo kapalo OJK mangundurkan diri dek karano indeks saham jatuah, batuka jo acara gosip artis den malah manonton, kironyo takantuak san den,” jawek Mak Pono.

“Tu apo lo akibatnyo kapalo busa efek tu mundur jo kapalo OJK tu mak, sia mereka du ?” Tek Minar.

Ditarangan lah dek Mak Pono tantang bursa efek jo OJK itu sebagai salah satu penggerak perekonomian sekaligus gambaran kondisi ekonomi negara bagi pelaku bisnis dunia. Dengan jatuahnya harago saham tu, babarapo konglomerat nan punyo usaha gadang nan perusahaannyo ado di bursa efek mengalami kerugian dan bisa-bisa berpotensi bangkrut dek IHSG ko jatuah.

Baca Juga :

• Senja Terakhir 2025 di Jam Gadang
• Dua Pusara Merindu Diujung September
• Kabar Tengah Malam, Air Mata Mak Adang dari Perantauan
• Ratok Rukayah, Rindu Tergadai di Bilik Rantau
• Ratok Rukayah, Lebaran Ini Ia Tak Pulang
• Kupiah Usang, Cita Terbengkalai Karena Cinta
• Marawa Tagak Dirantau, Tangis Pilu Tek Siti di Bulan April
• “Om” Bukan Mamak, Air Mata Zurhaya dan Fatima
• Mak Katik

“Tenggih lo kaji Mak Pono tentang dunia bisnis gah yeah, sampai urusan saham bagai tantu lo dek Mak Pono, sangko wak nantu mangayia jo mangasuah san nan jaleh dek Mak Pono,” cimeeh Tek Minar.

“Oi lampong anguh, den buruak-buruak cok iko, tantu juo masalah-masalah gadang du di den nah. Makonyo manonton tipi du jan cuma gosup jo sanetron atau drama korea san. Kok manonton sanetron jo korea du amuah lo manangih kau batigo baranak, ko lah eboh urang presiden wak bakwan jo si Trump, indak tau kau deh ndak, hai yayai.. ado-ado san nan ka mambuek den mamburansang mah,” barapi-rapi sarengeh Mak Pono nan dijawek Tek Minar jo galak badarai.

Mancaliak Mak Pono naiak tensi sanang hati Tek Minar, karano kalau indak manyarengeh alun raso basuo jo Mak Pono.

Disampaikan lah dek Tek Minar pengalamannyo pai ka Kantua Wali Nagari tadi, banyak basuo urang nan maurus surek keterangan indak mampu untuk bamacam urusan, mulai dari anak sakola sampai untuak minta bantuan modal usaho dan masih banyak paguno nan lainnyo.

“Tu pengusaha nan bangkrut atau nan kahilangan kekayaan dek harago saham anjlok tadi du, bisa lo minta surek keterangan ka pak wali du mak ?” tanyo Tek Minar

“Haiyayai.. urang du kok jatuah bana harago sahamnyo, masih punyo aset dan harato balimpah, kau sangko sumbarang san minta surek keterangan indak mampu dari wali du,” Mak Pono masih manyarengeh. kayo kayo kayo kayo kayo kayo kayo

Dijawek lah dek Tek Minar kalau tadi di kantua Wali Nagari banyak basuo urang nan maurus surek keterangan indak mampu, tapi inyo punyo oto, honda tiok angok nan ado dirumahnyo, masih sajo minta surek sakti pak pak wali.

“Sudah tu mak, kok dicaliak lo sahari-hari urang tu, rajin sumbayang, acok ka masajik, apo ndak salah minta surek keterangan ndak mampu ka wali nagari du, apo iyo lai berhaknyo dikatokan indak mampu, samantaro penampilannyo labih dari layak atau cukuk sacaro ekonomi ?” Tek Minar masih alun pueh.

“Itu nan di katoan Ka Tuhan Minta Kayo ka Wali Nagari Minta Miskin namoo nah piak, jan mampagunjiang urang juo kau gah, den tabao badoso lo dek nyo,” Sarengeh Mak Pono sambia tagak kalua lapau.

Baca Juga Ota Lapau lainnya :

• Demi FB Pro, Bacaliak an Takuk ka Bini
• Bacarai Juo Nan Malakok Taruh Du
• Ota Lapau, Cik Ayam Bubar Tapi Baunnyo Tak Hilang
• Tenggen Dek Ulah Cik Ayam
• Mati Tak Makan Dek Indak Ado Ayang
• Mak Pono Candu Pai Sakola, Kironyooo………
• Ota Lapau, Tu Harus Den Lapor ka Kang Dedi
• Gantuang Pariuak Dek Hemat Anggaran
• Ota Lapau, Mareh Ang Ka Den
• Takah Jando Patah Hati