Ota Lapau, Mareh Ang ka Den
Tukang Tulih : Fendi Montjak
Mak Pono takantuak-kantuak ayam duduk di palanta lapau Tek Minar, sambia mauruk-uruk jangguk pirang nan alun panjang bana. Antah bapikia antah takantuak Mak Pono kini, kain basahan talilik dikapalo, aie angek ngilu kuku di galeh lah dingin pulo.
“Alaaaaah.. deng sako walid lo nan duduak siko tadi nah,” kalua suaro serak Muncak baru masuak lapau mancaliak lagak Mak Pono. lapau lapau lapau
“Walid apo lo gah !!!,” Mak Pono nan takajuk dek suaro Muncak langsuang manyarengeh.
“Haiyayai.. baa kok talambek info Mak Pono sakali kini gah, biasonyo capek manangkok nan viral-viral baa kok kini tibo di walid, Mak Pono ndak dapek info,” Muncak nan maraso manang taruh mampaolok an Mak Pono.
Tek Minar nan tadi sato takajuk lo mandanga suaro kareh Muncak manyolo pulo dari balakang. Sebagai penggemar sinetron sampai drama Korea, dicaritoan pulo sinopsis walid ko tapi dengan bahaso dan pemahaman ala Tek Minar.
“Wak raso Ncak, Mak Pono gah pura-pura ndak tahu mah, sabek ado kesamaan beliau dengan walid gah,” Tek Minar galak badarai manimpali ota Muncak.
Tasambua galak Muncak mandanga kato-kato Tek Minar, lamonyo kok baranti galak sahinggo mambuek Mak Pono makin emosi.
“Kok caliak ka bantuak kini yo lah gak saroman jo walid Mak Pono mah, mulai dari saroban, jangguk samo rawik muko lai ma arah pulo, tapi salero baa kolah,” Muncak alun juo baranti mambahas walid ko.
“Kalau salero ragu wak Ncak, indak ka tatingga an bagai Tek Ani dek Mak Pono doh, jan kan mangecek nak batambuah. Mancaliak san ka padusi langsung kanai siku Mak Pono, sempat minta nomor hape, kanai piyuah pusek du apao lai kok sempat bercakap-cakap jo padusi, cok a lah hukuman dan ditarimo Mak Pono dari ibu negara tu,” Tek Minar sebagai penggemar walid nan tau jalan caritonyo indak namuah kalah.
Dek pandai Muncak maumbuak Tek Minar, lah basijadi lah nyo mancaritoan kisah dari serial bidaah dari negara tetangga Malaysia gah.
“Mancaliak Mak Pono tarakuak manahan kantuak tadi mah Ncak, tabayang dek awak katiko walid mangecek ‘Pejamkan Mata Bayangkan Muka Walid’,” alun juo habih bahan Tek Minar lai nan disambuang dek Muncak jo galak.
Indak itu sajo, Tek Minar mambukak an serial walid di hapenyo dan mancaliak an ka Muncak. Mak Pono nan latiah pulang mandi dari aie angek, hanyo manjawek jo mangka kalekek nan disampaikan Muncak jo Tek Minar.
“Ang sangko den pakai saroban, sajalah iko basahan den baliak mandi dari aie angek tadi, asa lai malambai san kalian surang-surang mah, urang gaek bapatelean juo,” alun abih sarengeh Mak Pono lai.
“Apo kalimat walid ko nan mintak babini ciek lai Tek?” Muncak alun habih bahan.
“Walid nak Dewi boleh ?” Tek Minar manyabuknyo nan diringi jo galak badarai.
Mandanga kalimat nan disabuk Tek Minar tu, kini Mak Pono pulo nan galak lai. Takana dek inyo kisah Muncak katiko bujang dulu mangaj padusi nan banamo Dewi, tapi kalah saing dek lawan Muncak ko pegawai pamarintah.
Mancaliak Mak Pono galak, giliran Muncak jo Tek Minar lo heran. Karano kaduonyo indak tau apo nan digalak an gaek ko.
“Lai tau kau Minar, Nak Dewi Boleh tu bukan untuak den, tapi itu kalimat Muncak sangkek nambai, sangkek kuliah nak nio padusi namonyo Dewi, tapi kalah saing dek pegawai nan badasi, baa Ncak, den bukak tambo diuari kisah tu baliak,” kareh suaro Mak Pono madok ka Muncak.
“Batoh mak, baopor bola ka awak..” lunak sakali suaro Muncak.
“Oooo. lai mandanga lo wak Mak, lari Muncak ka Jawa dek patah hati, hampia putuh kuliah dek gara-gara padusi, yo nan itu deh mak ?” Tek Minar basamangaik manggali informasi.
“Sakola alun tamek, lah nak babini lo, nyo potong trip dek kawan ampi lo prustasi, hampia baranti kuliah dek lari ka jawa, ba imbau dek amaknyo, pulang bajapuk Muncak ko dulu mah Nar,” Mak Pono makin dapek angin, nan Tek Minar lah hilang mato dek galak mancaliak Muncak nan sirah mukonyo.
“Marah mu mak Aku ?” Mak Pono galak sambia bakipeh kain basahan nan tadi talilik di kapalonyo.
“Eh Tau lo Mak Pono lagu nan sadang viral di tiktok mah,” takajuk Tek Minar mandanga Mak Pono manyabuk lagu nan sadang viral.
“Haiyayai jeh….. batuka lo baso gaek gah.. ngecek biaso san lah…Â Mareh Ang ka Den !!!!,” kini Muncak nan manggok pai kalua lapau maningga an Mak Pono.
Baca Juga Ota Lapau Lainnya:
Facebook Comments