Demi FB Pro, Bacaliak an Takuk ka Bini

tukang tulih : Fendi Montjak

Lapau Tek Minar sadang rami pagi ko, salain banyak makan di sinan, banyak pulo nan mambungkuh lontong, kacang padi, katan goreng sarato kampiun. Putuh bauleh san Tek Minar ma ambiak an, samantaro anak gadihnyo nan sakola SMA sibuk lo mam videoan kesibukan amaknyo.

Dimuko Tek Minar disalo embe palatak kavang padi jo gulai cubadak tagak lo hape pakai tripod kaciak nan marekam aktivitas Tek Minar.

“Ini gaes, selain pembeli yang saya lihatkan tadi, kita kedatangan pelanggan tetap Lapau Kopi dan Ampera Tek Minar, beliau adalah Angku Pono, tokoh di nagari ini, yang tetap gagah dan energik dalam usia yang tak lagi muda” kecek anak Tek Minar nan maarahkan hapenyo katiko Mak Pono masuak lapau.

“Mangaa den dek kauu ?” Mak Pono nan takajuk kanai shoting jo hape dek anak Tek Minar langsuang manyarengeh.

“Nan itu dia gaes, ciri khas Angku Pono, Panyarengeh alias buruah sarengeh, namun beliau baik hati dan penyayang gaes, walau panyarengeh, kawannya banyak gaes, termasuk Om Muncak dan Om Mantari, dan lapau ini tak ramai rasanya kalau tak ada suaro Angku Pono gaes, pernah mencaleg dan mencalonkan diri jadi wali nagari tapi gagal saat tes wawancara” lah kanai sarengeh makin manjadi anak tek Minar.

“Ka siges maa lo den kau katoan tu tumbuang !!” sarengah level tinggi Mak Pono pun kalua

Mancaliak itu Muncak jo Mantari takekeh dek galak, nan Mak Pono nan sadang panik tangguang makin mangka mncaliak kaduonyo.

“Ambiak an angku gagah tu minum lu nak, beko lah live tu nak..”Tek Minar nan sadang mambungkuhan pasanan manyorak an k anaknyo.

“Ini gaes minuman favorit Angku Pono, air dokter hangat,” anak Tek Minar malatak an minum Mak Pono sambia mamacik hape.

“Manyambua aia saleroo kau ka dalam galeh den ha,” alun habih sangik Mak Pono.

“Dek a Mak Pono gah, tenggih san tensi njak tibo tadi mah,” sapo Mantari.

Dicaritoan lah dek Mak Pono, tadi di jalan basuo urang balangga. Anak sakola ma antak urang manggaleh jo becak hinggo tasungkua ka dalam banda, dek ulah anak sakola ko mambaok onda sambia main hape.

“Tapi bukannyo manolongan korban nan balangga, urang banyak pado mangalua an hape, mamoto jo ma ambiak video, ado lo nan mangecek2 surang bantuak anak si Minar tu a, samnataro nan tarambau masuak banda gah lah maringik kasakik an dek tasapik, galehnyo sebagian lah hanyuk pulo, sia nan ndak mangka mancaliak kondisi cok itu,” sasak angok Mak Pono dek tabao emosi manjalehan ka Muncak jo Mantari.

Dijalehan lah dek Muncak, sajak zaman FB Pro banyak nan takah itu kini, sadonyo nan ka dipoto jo divideo an, sudah tu di masuak an ka facebook, makin banyak urang mancaliak jo mangomen semakin gadang peluang dapek dolar.

“Indak kecelakaan sajo do mak, tapi sado kegiatan, mulai dari mambasuah pinggan, mahabehan anak, manyapu sarok sampai manggaleh cok Tek Minar gah, bamasuak an pulo. Tapi ado lo positifnyo, ko sajak Tek Minar acok live di pesbuk jauah maningkek urang mambali, bahkan urang dari nagari lain datang pai mambali katupek gulai cancang kamari, atau Kampiun, tapi sayangnyo dek liau sibuk, awak nan pelanggan tetap gah, acok talambek dapek pesanan,” Muncak manjalehan

Muncak bacarito, sajak ado FB Pro nan bisa menghasilkan Dolar, pengguna FB lah bapacu-pacu mambuek postingan tiok hari, mulai dari foto sampai video. Bahkan ado nan sangajo mambuek video pakai jalan carito, nan kadang indak masuak diaka.

“Tapi banya pulo nan manjadikan FB Pro ko salain untuak mancari dolar, juo untuak kemanusiaan sarupo manolong urang sakik, anak terlantar sampai manolong urang gilo, salain dapek dolar juo dapek donasi untuak kegiatannyo,” lah tangangi san Mak Pono mandangan penjelasan Muncak.

“Tapi ado ciek Mak, kok den caliak ka Mak Pono pasti Mak Pono tagalak dan indak picayo,” Mantari mambuka hape dan mancaliak ka Mak Pono.

“Iko ndak Bujang Rambo gah ?” tanyo Mak Pono heran.

Tangango Mak Pono mancaliak video di peesbuk Bini Bujang Rambo nan mancaliak berbagai situasi dalam keluarga tu dengan bintang utama bininyo.

Nampak babarapo kali Bujang Rambo nan terkenal sebagai urang bagak di pasa jo dinagari kanai suruah jo sarayo dek bininyo. Sampai ado video nan manampak an Bujang Rambo babarih jo anaknyo untuk basalam dan mancium tangan bininyo nan duduak diateh sajadah. fb pro fb pro fb pro fb pro fb pro

“Habih kiramaik Rambo, harusnyo bini tu nan mancium tagan, kok iko bacaliak an takuk ka bini di dunia maya namoo mah,” sangik Mak Pono mancaliak video di hape Mantari.

Baca Juga :

• Bacarai Juo Nan Malakok Taruh Du
• Ota Lapau, Cik Ayam Bubar Tapi Baunnyo Tak Hilang
• Tenggen Dek Ulah Cik Ayam
• Mati Tak Makan Dek Indak Ado Ayang
• Mak Pono Candu Pai Sakola, Kironyooo………
• Ota Lapau, Tu Harus Den Lapor ka Kang Dedi
• Gantuang Pariuak Dek Hemat Anggaran
• Ota Lapau, Mareh Ang Ka Den
• Takah Jando Patah Hati