Ciloteh Mak Pono : Abak jo Amak Basiarak, Mamak Sibuk jo Pusako

Urang Bapolitik tu Saroman Urang Bapole
Mak Pono, buruak sarengeh
Mak Pono sadang tangango manonton tipi, rokok di jari lah tapuntuang indak baisok. Lah tasanda Mak Pono indak tantu kecek mancaliak berita tentang Covid-19 nan makin parah di tiok daerah. Kopi digaleh lah dingin tak bakacau.

“Oneee….. !!!!!!,” Mak Pono tagagau katiko duo urang bapakaian astronot langkok jo tangki gadang dipungguangnyo mancogok dipintu lapau one.

“Sia kalian, mangaa kalian kamari ?” tanyo Mak Pono katakutan sambia bapindah tagak ka atwh bungku di suduk lapau.

Tak ado manjawek, manusia planet nan mambuek mak Pono takuk hanyo saliang tatap indak basuaro. One nan dari td sibuk di dapua mancogok jo raso penasaran.

Dalam kaduonyo heran, tibo Botak jo muncuang balampok masker. Mancaliak Mak Pono jo One lah katakutan, Botak kekeh dek galak.

“Batoh tangango Mak Pono jo Uniang mancaliak Pitok jo Karibo saroman itu,” sapo Botak.

“Takajuik deyen, cacah ko den mancaliak di tipi tim medis menangangi pasien Covid-19 pakaian sarupo iko, langsuang kalian tacogok bantuak manusia planet. habih darah deyen,” jawek Mak Pono sambia mauuruik dado.

Ibo mancaliak Botak CS tangah hari pakak mamakai jas plastik di paneh grang, pasankannyo kopi sakarek surang.

“Indak amuah jo kopi do mak, lah baun racun kapindiang kami, susu putiah sagaleh surang,” jawek karibo sambia mambukak jas plastiknyo.

“Dari maa kalian, mambuek takuk urang sa nagari san,” sarengeh Mak Pono katiko darahnyo lah mulai tanang.

“Urang nagari maa nan takuk mak ?, sanang molah urang nagari lah kami tolong manyemprot untuak ma antisipasi abah Covid-19” jawek Botak.

“Sia na manyuruah kalian, dan sia pulo nan mamodali pakakeh jo ubek semprot ko ?,” tanyo Mak Pono.

BACA JUGA  Ciloteh Mak Pono, Urang Nan Mancalon, Mangaa Awak Tabao Gilo

Ditarangan lah dek Pitok kalau kegiatan penyemprotan ko swadaya pemuda, mulai dari mahimpun sumbangan pambali pakakeh sampai mangarajoannyo basamo-samo dilakukan dek pemuda.

“Ka maa nyo apak-apak nan katonyo peduli rakyat nan akan selalu mengedepankan kepentingan rakyat, instansi terkait maa nyo alun datanga turun ka masyarakat lai,” kalua sarengeh Mak Pono mandanga jawek Pitok.

“Dulu sangkek musim kabuk manjalang Pemilu, banyak nan mambagi masker, ado nan di jalan ado nan ma anta ka rumah. Kini tiko masyarakat butuh masker, maa nyo apak-apak nan dulu tu, luponyo kalau nyo duduak tu karano masker “berlambang” nan dibagi2kan dulu,” alun juo hilang emosi mak Pono lai.

Mandanga Mak Pono mancaracau tabae emosi, galak urang salapaunyo. Nan Mak Pono makin manjadi baturo-turo lah kaniyak kaniin Mak Pono maupek.

“Iko kami manjawek tantangan Mak Pono mah, bia kami jadi Pemuda haparan bangsa, indak cuma Pemuda harapan Pemudi sarupo kato Mak Pono,” kato Karibo.

“Haiyayai, baru saketek berbuat lah maraso diateh lo kalian. Iko mamak kalian ko sangkek mudo apo nan tak dilakukan untuak negara ko, dari baparang sampai bagotong royong, selalu mamak kalian ko tampil,” baleh Mak Pono mambangga.

“Kini deyen lah maleh sato, deyen mancaliak kondisi kini ibaraik Amak jo Abak Basiarak nan Mamak Sibuk dek Pusako, anak kamanakan abehan untuang surang-surang,” sarengeh Mak Pono sambia kalua lapau one. Fendi Moentjak

Baca Juga :

Facebook Comments

loading...
Artikel sebelumyaSumbar Perketat Pintu Masuk di Perbatasan
Artikel berikutnyaCegah Covid-19, Ketua DPRD Jon Firman Pandu Pimpin Penyemprotan