Ota Lapau, Cadiak Tapi Bodoh
tukang tulih : Fendi Moentjak
“Singkok an san lah pintu lapau tu Minar, amuah bata puaso sen den baun gulai jo kolak kok di lua du den duduak,” Mak Pono pindah duduak dari palanta di bawah batang seri ka dalam lapau.
“Samo lah Mak Pono jo paja-paja mah, dek baun kolak jo gulai bisa lo tagoda,” jawek Tek Minar nan sajak tadi bolak baliak dari dalam ka laman manyiapkan galeh pabukoannyo.
“Jan kau mintak-minta juo sangik den, habih pahalo puaso den dek mareh ka mareh san,” Mak Pono manjangkau remot tipi dan duduak tampek paporitnyo manonton dalam lapau tek Minar.
Lah tangango san Mak Pono manonton berita kunjungan Prabowo ka Amerika basuo jo Donal Trump membahas Board of Peace sarato kesepakatan dagang Indonesia Amarika, sampai indak tau kalau Muncak lah tibo dan duduak di palanta sabarang meja Mak Pono.
“Baa gak nyeh Mak, lah takakah san manonton mah, malawan puaso du, baru duo hari lah latiah san, bako urang rayo nak sato pulo,” Muncak nan baru tibo manyapo Mak Pono.
“Jan banyak carito Ncak, den di rumah tadi sudah mareh-mareh, tibo siko digoda lo dek baun kolak jo samba nan digaleh Minar, kini Muncak mamanciang emosi den lo, ya Tuhan sabarek iko bana cobaan den puaso,” jawek Mak Pono mambuek Muncak tagalak.
Dicaritoan lah dek Mak Pono, tadi di rumah inyo mangawanan cucunyo baraja. Mambuek PR nan disuruah gurunya untuak maisi libur awal Ramadhan. Tapi indak ado mambuka buku, cuma mancari jawaban dan referensi dari hape. Baitu pula cucu laki-laki nan baru kelas satu SMP, disuruah gurunyo mancatat ceramah Tarwih, tapi tadi manyalin dari hape. Katiko ustad bacaramah di masajik inyo antah kamaa malala.
Baca Juga :
- Senja Terakhir 2025 di Jam Gadang
- Dua Pusara Merindu Diujung September
- Kabar Tengah Malam, Air Mata Mak Adang dari Perantauan
- Ratok Rukayah, Rindu Tergadai di Bilik Rantau
- Ratok Rukayah, Lebaran Ini Ia Tak Pulang
- Kupiah Usang, Cita Terbengkalai Karena Cinta
“Kok nan si Fatan du, yakin bana den parangai Mak Pono nan ditirunyo nah, dulu sangkek mudo Angku nyeh kan takah itu lo du, kawan mancatat dalam masajik nan Mak Pono bakaliaran di laman, basikanja bagaluk, nan buku catatan Ramadhan gah talatak di lapau Ciak Baya,” jawaban Muncak mambuek Mak Pono tabik mangka dan manuduahnyo sok tau, karano sacaro umua Muncak jauah kaciaknyo dari Mak Pono.
“Tapi Mak Pono nan mancaritoan pengalaman sangkek kaciak dulu mah, nan Amak wak pernah lo bacarito baa Mak Pono sangkek sakola dulu,” takekeh Muncak mancaritoannyo.
Sasak angok Mak Pono mandangan carito Muncak, disampaikan pulo, dulu walau indak sato mancatat dan mandanga ceramah dalam masajik, nan buku tugas tu barisi juo.
“Kok den dulu, barisuak harinyo den catat den salin dari buku kawan, jadi banyak sakatiaknyo tantu juo isi ceramah ustad tu, bahkan den labiah hebat dari anak-anak nan mancatat du” Mak Pono mambela diri.
“Hebat baa lo mak ?” Muncak heran.
“Nak urang du mancatat katiko buya bacaramah, ciek kaji nan disampaikan buya itu san nan dapek dek inyi malam tu, tapi den, manyalin dari buku kawan, sakali sapakan, lah tujuah isi caramah dapek di den, ndak hebat dari nak urang nan den salang buku du dek Muncak du,” Mak Pono mancaritoan parangai sangkek sakola dengan bangga.
“Dek urang ciek samalam tapi malakek, takana, tibo dek Mak Pono barapel tapi hauu san, nan barapel du kadang basuruah lo urang nah,” Muncak indak namuah kalah.
“Dek gara-gara parangai cucu, den lo kanai dek Muncak ko,” sasak angok Mak Pono dek kato-kato Muncak. cadiak cadiak cadiak
Dijalehan lah dek Mao Pono tadi dirumah inyo mangka mancaliak cucunyo maisi buku agenda Ramadhan, nan isi ceramah di carinyo di MetaAi, nan gadang nan sakola SMA betu pulo, mancari tugas nan diagiah gurunya pakai chatgpt.
“Indak nampak dek den inyo mangambangan buku untuk manjawek tugasnyo tu deh, padohal den caliak sakileh, banyak buku nan bisa dikambangannyo jadi referensi,” dijalehan dek Mak Pono ka Muncak.
“Itu tandonyo cucu Mak Pono lah canggih surang-surang, memanfaatkan kemajuan teknologi untuak kabutuhan baraja, beda generasi beda cara, beda zaman beda proses,” Muncak mamatahan pandapek Mak Pono. cadiak cadiak cadiak cadiak cadiak cadiak
Indak namuh kalah Mak Pono membela diri, bukan masalah kemajuan zaman nan diprotesnyo, tapi caro baraja manggunokan chatgpt dan AI tu kurang rancak untuk anak sakola. Karano apopun nan ditanyo ado disitu, sahinggo indak ado tantangan untuk mancari dan manambah ilmu dari buku-buku nan ado di pustaka, bahkan jawaban itu marupakan kalimat lengkap nan alah jadi, bukan kasimpulan atau resume sarupo tugas baraja nan seharusnyo.
“Inyo rancak, si Ai jo si Met iyo santiang, tapi kalian indak sadar, kincia-kincia tu indak baputa sabagaimana mestinyo, kok manuruk den itu cadiak tapi bodoh namonyo nah, karano ilemu du tingga di utak apobilo dibaco, ditulih dan dipalajari, bukan cuma manyalin nan alah jadi,” walau malunak, tatek juo Mak Pono manyangik.
Baca Juga :
- Ota Lapau, Urang Mancaliak Bulan Inyo Mancaliak Kawan
- Sadakah Moribu Minta lo Kayo jo Parejo
- Ota Lapau, Ka Tuhan Minta Kayo ka Walinagari Minta Miskin
- Demi FB Pro, Bacaliak an Takuk ka Bini
- Bacarai Juo Nan Malakok Taruh Du
- Ota Lapau, Cik Ayam Bubar Tapi Baunnyo Tak Hilang
- Tenggen Dek Ulah Cik Ayam
- Mati Tak Makan Dek Indak Ado Ayang
Facebook Comments